நம்பிக்கையினால் நீ வாழ்வு பெறுவாய்

பல்லவி

நம்பிக்கையினால் நீ வாழ்வு பெறுவாய்

நண்பனே நீ பயப்படாதே

பயம் வேண்டாம் திகில் வேண்டாம்

படைத்தவர் உன்னை நடத்திச் செல்வார்

சரணம் 1

அதிசயக் கல்வாரி சிலுவையிலே

அனைத்தையும் செய்து முடித்துவிட்டார்

தழும்புகளால் நீ சுகமானாய்

தயவினால் மறுபடி பிறந்துவிட்டார்

சரணம் 2

ஆடையைத் தொட்டால் நலம் பெறுவேன் - என்று

அறிக்கை செய்து சுகமடைந்தாள்

ஒருத்துளி சந்தேகமில்லாமலே

ஓடிவா இயேசு இன்று சுகம் தருவார்

சரணம் 3

ஆபிரகாம் சாராள் குழந்தைப் பெற

ஆற்றல் பொற்றது நம்பிக்கையினால்

வாக்குதத்தம் செய்தவர் நம்பத்தக்கவர்

ஏக்கமெல்லாம் எப்படியும் நிறைவேற்றுவார் - உன்

சரணம் 4

கட்டாந்தரையிலே நடப்பதுபோல்

கடலைக் கடந்தனர் நம்பிக்கையினால்

எரிகோ மதில்கள் விழுந்தனவே

ஏழுநாள் ஊர்வலம் வந்ததினால்

சரணம் 5

உலகிலே இருக்கும் அவனை விட

உனக்குள் இருப்பவர் பெரியவரே

துணை நின்று உனக்காய் யுத்தம் செய்வார்

துரிதமாய் வெற்றி காணச் செய்வார்

சரணம் 6

மலையைப் பார்த்து கடலில் விழு

என்று சொன்னால் நடந்திடுமே

உன்னாலே கூடாதது ஒன்றுமில்லையே

நம்பினால் எல்லாம் நடந்திடுமே

பல்லவி

நம்பிக்கையினால் நாம் வாழ்வு பொறுவோம்