உன்னதமானவர்

பல்லவி

உன்னதமானவர் மறைவினிலே

சர்வ வல்லவர் நிழல்தனிலே

தங்கி உறவாடி மகிழ்கின்றேன்

எங்கும் வெற்றி நான் காண்கின்றேன்

லாலாலா லல்லால.......

சரணம் 1

ஆண்டவர் எனது அடைக்கலமானார்

நான் நம்பும் கோட்டையும் அரணுமானார்

வேடர் கண்ணிகள் கொள்ளை நோய்கள்

தப்புவித்து காப்பாற்றி தாங்குகிறார்

சரணம் 2

தமது சிறகால் அரவணைக்கின்றார்

இறக்கையின் கீழே அமரச் செய்கின்றார்

சத்திய வசனம் எனது கேடகம்

நிச்சயம் நிச்சயம் விடுதலை உண்டு

சரணம் 3

என் பக்கம் ஆயிரம்பேர் விழுந்தாலும்

பதினாயிரம் பேர் தாக்கினாலும்

பாதுகாப்பவர் என் பக்கத்திலே

பாதிப்பு இல்லையே பயமில்லையே

சரணம் 4

செல்லும் இடமெல்லாம் என்னைக் காக்க

தமது தூதருக்கு கட்டளையிட்டார்

பாதம் கல்லிலே மோதாமலே

கைகளில் ஏந்திடுவார் தாங்கிடுவார்

சரணம் 5

சிங்கத்தின் மீது நான் நடந்திடுவேன்

சீறும் சர்ப்பங்களை மிதித்திடுவேன்

சமாதானத்தின் தேவன் சீக்கிரமாய்

சாத்தானை காலடியில் நசுக்கிடுவார்

சரணம் 6

இருளில் நடமாடும் கொள்ளை நோய்க்கும்

பகலின் பாழாக்கும் கொடிய வாதைக்கும்

இரவில் உண்டாகும் பயங்கரத்துக்கும்

பகலின் அம்புக்கும் பயப்படமாட்டேன்

சரணம் 7

கர்த்தரையே புகலிடமாய் நான் கொண்டுள்ளேன்

உன்னதரை உறைவிடமாய் ஆக்கிக்கொண்டேன்

நோய்கள் அணுகாதுஇ என்றும் அணுகாது

தீமைகள் நேரிடாது நேரிடாது

சரணம் 8

அப்பாவை நான் நேசித்து வாழ்வதனால்

தப்பாமல் விடுவித்து காப்பாற்றுவார்

அவர் நாமம் நான் அறிந்ததினால்

அதிசயம் செய்து அரவணைப்பார்

சரணம் 9

மன்றாடும் போது பதில் தருகின்றார்

துன்பத்தில் கூட துணை நிற்கின்றார்

தப்புவித்து அயர்த்தி கனப்படுத்துவார்

நீடிய ஆயுளால் நிறைவளிப்பார்