மாரநாதா

பல்லவி

மாரநாதா... இயேசு நாதா

சீக்கிரம் வாரும் ஐயா

வாரும் நாதா இயேசு நாதா (2)

சரணம் 1

மன்னவன் உம்மைக் கண்டு மறுரூபம் ஆகணுமே

விண்ணவர் கூட்டத்தோடு எந்நாளும் பாடணுமே

சரணம் 2

குடிவெறி களியாட்டம் அடியோடு அகற்றிவிட்டேன்

சண்டைகள் பொறாமைகள் என்றோ வெறுத்து விட்டேன் - நான்

சரணம் 3

பெருமைபாராட்டுகள் ஒருநாளும் வேண்டாம் ஐயா

சிற்றின்பம் பணமயக்கம் சிறிதளவும் வேண்டாம் ஐயா

சரணம் 4

நியமித்த ஓட்டத்திலே நித்தம் நான் ஓடிடுவேன்

நித்திய கிரீடம்தனை நிச்சயமாய்ப் பெற்றுக்கொள்வேன்

சரணம் 5

ஆவியில் நிரம்பிடுவேன் அயராது ஜெபித்திடுவேன்

அப்பாவின் சுவிசேஷம் எப்போதும் முழங்கிடுவேன்

சரணம் 6

உம்முகம் பார்க்கணுமே உம் அருகில் இருக்கணுமே

உம்பாதம் அமரணுமே உம்குரல் கேட்கணுமே