மனதுருகும் தெய்வமே

பல்லவி

மனதுருகும் தெய்வமே இயேசைய்யா

மனதாரத் துதிப்பேன் ஸ்தோத்தரிப்பேன்

நீர் நல்லவர் சர்வ வல்லவர்

உம் இரக்கத்திற்கு முடிவே இல்லை

உம் அன்பிற்கு அளவே இல்லை

அவை காலைதோறும் புதிதாயிருக்கும்

சரணம் 1

மெய்யாக எங்களது

பாடுகளை ஏற்றுக் கொண்டு

துக்கங்களை சுமந்து கொண்டீர் - ஐயா

சரணம் 2

எங்களுக்கு சமாதானம்

உண்டு பண்ணும் தண்டனையோ

உம்மேலே விழுந்ததையா - ஐயா

சரணம் 3

சாபமான முள்முடியை

தலைமேலே சுமந்து கொண்டு

சிலுவையிலே வெற்றி சிறந்தீர் - ஐயா

சரணம் 4

எங்களது மீறுதலால்

காயப்பட்டீர் நொறுக்கப்பட்டீர்

தழும்புகளால் சுகமானோம் - உந்தன்

சரணம் 5

தேடிவந்த மனிதர்களின்

தேவைகளை அறிந்தவராய்

தினம் தினம் அற்புதம் செய்தீர் - ஐயா