போராடும் என் நெஞ்சமே

பல்லவி

போராடும் என் நெஞ்சமே

புகலிடம் மறந்தாயோ

பாராளும் இயேசு உண்டு

பதறாதே மனமே

சரணம் 1

அலைகடல் நடுவினிலே

அமிழ்ந்து போகின்றாயோ

கரம் நீட்டும் இயேசுவைப் பார்

கரை சேர்க்கும் துணை அவரே..

ஆ... ஆனந்தம் பேரானந்தம்

என் அருள்நாதர் சமூகத்திலே (2) - போராடும்

சரணம் 2

கடந்ததை நினைத்து தினம்

கண்ணீர் வடிக்கின்றாயோ

நடந்ததெல்லாம் நன்மைக்கே

நன்றி நன்றி சொல்லு

ஆ...ஆனந்தம் பேரானந்தம்

என் அருள்நாதர் சமூகத்திலே (2) - போராடும்

சரணம் 3

வருங்கால பயங்களெல்லாம்

வாட்டுதோ அனுதினமும்

அருள்நாதர் இயேசுவிடம்

அனைத்தையும் கொடுத்துவிடு

ஆ... ஆனந்தம் பேரானந்தம்

என் அருள்நாதர் சமூகத்திலே (2) - போராடும்

சரணம் 4

நண்பன் கைவிட்டானோ

நம்பினோர் எதிர்த்தனரோ

கைவிடா நம் தேவனின்

கரம் பற்றி நடத்திடு

ஆ... ஆனந்தம் பேரானந்தம்

என் அருள்நாதர் சமூகத்திலே (2) - போராடும்