போவாஸ் போவாஸ்

பல்லவி

போவாஸ் போவாஸ்

போர்வையால் என்னை மூடுமையா

இயேசையா இயேசையா உம்

அன்பினால் என்னை மூடுமையா

சரணம் 1

உந்தன் அடிமை நான் ஐயா - என்னைக்

காப்பாற்றும் கடமை உமக்கையா

சரணம் 2

நிறைவான பரிசு நீர்தானையா - உம்

நிழல்தானே தங்கும் சொர்க்கமையா

சரணம் 3

வேதனையோ வேறு சோதனையோ

எதுவுமே என்னை பிரிக்காதையா

சரணம் 4

ஒய்வின்றி கதிர்கள் பொறுக்கிடுவேன்

வேறொரு வயல் நான் போவதில்லை

சரணம் 5

கற்றுத்தாரும் நான் கடைபிடிப்பேன்

சொல்வதை செய்து முடித்திடுவேன்

சரணம் 6

போர்வை விரித்தேன் போடுமையா

கோதுமையால் என்னை நிரப்புமையா

சரணம் 7

கருணைக்கண் கொண்டு நோக்குமையா - உந்தன்

கனிமொழியால் என்னைத் தேற்றுமையா

சரணம் 8

திருப்தியாக்கும் என் திருஉணவே

தாகம் தீர்க்கும் ஜீவத் தண்ணீரே