தண்ணீர்கள் கடக்கும் போது

பல்லவி

தண்ணீர்கள் கடக்கும் போது

என்னோடு இருக்கின்றீர்

அக்கினியில் நடக்கும் போது

கூடவே வருகின்றீர்...

மூழ்கிப் போவதில்லை - நான்

எரிந்து போவதில்லை (2)

சரணம் 1

என் மேல் அன்பு கூர்ந்து

எனக்காய் இரத்தம் சிந்தி

என் பாவம் கழுவி விட்டீரே

எனக்கு விடுதலை தந்து விட்டீரே

நன்றி ஐயா நன்றி ஐயா

சரணம் 2

உமது பார்வையிலே

விலையேறப் பெற்றவன்(ள்) நான்

மதிப்பிற்கு உரியவன் நானே... இன்று

மகிழ்வுடன் நடனமாடுவேன்

சரணம் 3

பாலைவன வாழ்க்கையிலே

பாதைகள் காணச் செய்தீர்

ஆறுகள் ஓடச் செய்தீரே - தினம்

ஆபத்திலே பாடி மகிழச்செய்தீரே

சரணம் 4

பெற்ற தாய் தனது

பிள்ளையை மறந்தாலும்

நீர் என்னை மறப்பதில்லையே - உமது

உள்ளங்கையில் பொறித்து வைத்துள்ளீர்

சரணம் 5

என்னை படைத்தவரே

உருவாக்கி மகிழ்ந்தவரே

பெயர் சொல்லி அழைத்துக் கொண்டீரே

உமக்கு உரிமையாக்கிக் கொண்டீரே

சரணம் 6

என்னை மீட்கும்படி

தன்னை பலியாக்கினீர்

எனக்குள்வந்து விட்டீரே

(என்னை) ஆட்கொண்டு நடத்திச்செல்வீரே