தாகமுள்ளவன் மேல் தண்ணீரை

பல்லவி

தாகமுள்ளவன் மேல் தண்ணீரை ஊற்றுவேன் என்றீர்

வறண்ட நிலத்தில் ஆறுகளை ஊற்றுவேன் என்றீர்

ஊற்றும் ஐயா உம் வல்லமையை

தாகத்தோடு காத்திருக்கிறேன் - நான்

சரணம் 1

மாம்சமான யாவர்மேலும் ஊற்ற வேண்டுமே

மக்களெல்லாம் இறைவாக்கு உரைக்க வேண்டுமே

சரணம் 2

முதியோர் மேலும் இளைஞர் மேலும் ஊற்ற வேண்டுமே

கனவுகள் காட்சிகள் காணவேண்டுமே

சரணம் 3

நீரோடை அருகிலுள்ள மரங்களைப் போல

நித்தமும் தவறாமல் கனி தர வேண்டும்

சரணம் 4

புதிய கூர்மையான கருவியாகணும்

பூமியெங்கும் சுவைதரும் உப்பாகணும்

சரணம் 5

கல்லான இதயத்தை எடுத்திட வேண்டும்

சதையான இதயத்தைப் பொருத்திட வேண்டும்

சரணம் 6

வனாந்தரம் செழிப்பான தோட்டமாகணும்

வயல்வெளி அடர்ந்த காடாகணும்

சரணம் 7

நீதியும் நேர்மையும் தழைக்க வேண்டுமே

நல்வாழ்வும் நம்பிக்கையும் வளரவேண்டுமே

சரணம் 8

தூய நீரை எங்கள் மேல் தெளித்திட வேண்டும்

ஏல்லாவித அசுத்தங்கள் நீங்கிட வேண்டும்