கட்டிப் பிடித்தேன் உந்தன்

பல்லவி

கட்டிப் பிடித்தேன் உந்தன் பாதத்தை

கண்ணீரால் நனைக்கின்றேன் கர்த்தாவே

இலங்கையிலே யுத்தங்கள் ஓய வேண்டுமே

இளைஞரெல்லாம் இயேசுவுக்காய் வாழ வேண்டுமே

இரங்கும் ஐயா மனம் இரங்குமையா

சரணம் 1

துப்பாக்கி ஏந்தும் கைகள்

உம் வேதம் ஏந்த வேண்டும்

தப்பாமல் உம் விருப்பம்

எப்போதும் செய்ய வேண்டும்

சரணம் 2

பழிக்கு பழி வாங்கும்

பகைமை ஒழிய வேண்டும்

மன்னிக்கும் மனப்பான்மை

நேசத்தில் மலர வேண்டும்

சரணம் 3

பிரிந்த குடும்பமெல்லாம்

மறுபடி இணைய வேண்டும்

பெற்றோரின் கண்ணீர் எல்லாம்

களிப்பாய் மாற வேண்டும்

சரணம் 4

வீடு இழந்தவர்கள்

இடங்கள் பெயர்ந்தவர்கள்

மறுவாழ்வு பெற வேண்டும்

மகிழ்ச்சியால் நிரம்ப வேண்டும்