மீட்பர் இயேசு குருசினில்

பல்லவி

மீட்பர் இயேசு குருசினில் தொங்கினாரே

மூன்றாணி மீதில் காயம் அடைந்தே.

1

லோகப் பாவம் தீர்க்க பலியான

தேவ ஆட்டுக் குட்டியானவர் —

சொந்தமான இரத்தம் சிந்தி மீட்டு

இந்தளவாய் அன்பு கூர்ந்தவர்.

— மீட்பர்

2

அன்னை தந்தை யாவரிலும் மேலாய்

அன்பு கூர்ந்தார் அண்ணல் இயேசுவே

ஆச்சரிய தேவ அன்பைப் பாட

ஆயிரம் நாவுகள் போதுமோ.

— மீட்பர்

3

பாவப் பாரம் லோகக் கவலைகள்

தாவி உன்னைச் சூழ்ந்த போதிலும்

தேடி, நாடி, ஓடி வந்தால் உன்னைத்

தேற்றி, ஆற்றித் தாங்குவார் அவர்.

— மீட்பர்