பாவி! கெத்செமனே

பல்லவி

பாரீர்! கெத்செமனே பூங்காவில் என் நேசரையே

பாவி எனக்காய் வேண்டுதல் செய்திடும்

சத்தம் தொனித்திடுதே.

1

தேகமெல்லாம் வருந்தி சோகமடைந்தவராய்

தேவாதி தேவன் ஏகசுதன் பாடும்

பாடுகள் எனக்காக.

— பாரீர்

2

அப்பா இப்பாத்திரமே நீங்கும் நின்சித்தமானால்

எப்படியும் சித்தம் செய்ய என்னைத்

தத்தம் செய்தேன் என்றாரே.

— பாரீர்

3

இரத்தத்தின் வேர்வையாலே மெத்தவுமே நனைந்தே

இம்மானுவேலன் உள்ளமுருகியே

வேண்டுதல் செய்தனரே.

— பாரீர்

4

மும்முறை தரைமீதே தாங்கொண்ணா வேதனையால்

முன்னவன் தாமே வீழ்ந்து ஜெபித்தாரே

பாதகர் மீட்புறவே.

— பாரீர்