இதோ அடியேனிருக்கிறேன்

இதோ அடியேனிருக்கிறேன் - என்னை அனுப்பும்

ஏசுவே, இப்போதே போகிறேன்.

இதோ போகிறேன் நாதனே, இப்புவியில் நீர் எனக்கு

எந்த இடம் காண்பித்தாலும் உந்தன் சித்தம்

செய்திடுவேன் - இதோ

1

மலைகள், பள்ளங்கள் தாண்டியோ - மா கஷ்டமான

வனங்கள், கடல்கள் நடந்தோ

தொலை தூரமாகச் சென்றோ, சுவிசேஷம் கூறும்படி

சொல்லும்போது நீர் ஏசுவே, துரிதமாய் சென்றிடுவேன்,

-இதோ

2

வறியர் அறிவீனருக்கும், - மாதுஷ்டருக்கும்,

வணங்காக் கழுத்துளோருக்கும்,

அறிவி என் நாமம் என்று அடியேனை எவும்போது

சரியென்றிணங்கி எல்லா சனத்தையும் தேடிப் போவேன்.

-இதோ

3

வயல் நிலங்கள் இப்பொழுதே - அறுப்புக்கேற்க

வளமாய் விளைந்திருக்குதே ;

நயமான வேலையாட்கள் ஞாலமதில் தேடுகின்றீர் ;

பயமின்றி என்னை உந்தன் பாதமதில் ஒப்புவித்தேன்.

-இதோ

4

உலக முடிவு மட்டுமே - சகல நாளும்

உங்களோடிருப்பேன் என்றீரே,

மலைமேலே நீர் கொடுத்த மாபெரிய கட்டளையைத்

தலைமேலே கொண்டிடுப்போது தரணியில் ஏகிடுவேன்.

-இதோ