வாழ்த்துகிறேன், வாழ்த்து

வாழ்த்துகிறேன், வாழ்த்துகிறேன், வாழ்த்துகிறேன், நான்

என் ரட்சகனை நன்றியுடன் வாழ்த்துகிறேன் நான்.

1

மாட்டுத் தொழுவில் பிறந்த மகிமையின் ராஜா

மனுஷரூபம் எடுத்த உம்மை வாழ்த்துகிறேன் நான்.

2

தேவரூபமான யேசு தேவகுமாரா!

தாசரூபம் தரித்த உம்மை வாழ்த்துகிறேன் நான்.

3

பாதகர்க்காய் நீதிவழி ஓதித் தந்தோரே!

இந்தப் பாரி லும்மையே நினைத்து வாழ்த்துகிறேன் நான்.

4

சிலுவையைச் சுமந்து கொண்டு நடந்து போனவா!

திருப்பாத மிரண்டும் முத்தம் செய்து வாழ்த்துகிறேன் நான்.

5

சிலுவையில் தொங்கி மரித்து உயிர்த்தெழுந்தோரே!

நித்யம் ஜீவிக்கிற உம்மை வாழ்த்துகிறேன் நான்.

6

ஆரவாரத்தோடு தாமே வானத்திலிருந்து

திரும்ப வருகிறவரை வாழ்த்துகிறேன் நான்.

7

என்றைக்கு நான் வந்து காண்பேன் திருமுகத்தையே

நோக்கி நோக்கி வாஞ்சிக்கிறேன் நின்வரவுக்காய்.

8

நின்வரவில் முன்னணியில் நின்றிடுவேன் நான்

வாழ்த்தி வாழ்த்தி நின்றிடுவேன் நின்வரவில் நான்.