போற்றுவோமே! போற்றுவோமே!

பல்லவி

போற்றுவோமே! போற்றுவோமே!

எம் தேவனை இவ்வேளையிலே - நன்றியுடனே.

1

தூங்கன் இயேசுவே தூயா உமக்கே

துதிகள் சாற்றிடுவேன்

மங்கா புகழும் மகிழ்ந்து போற்றி

எங்கும் துதித்திடுவேன்

கங்குல் அற எங்குமே ஒளி

மங்கிடாமலே தங்கிட வேணும்.

— போற்று

2

ஆழ்ந்த சேற்றினில் அமிழ்ந்த என்னையே

அணைத்து எடுத்தோனே

ஆழிதனி லென் பாவம் எறிந்த

அன்னன உத்தமனே

அன்றும் இன்றும் என்றும் துதிப்பேன்

மன்னவனையே மண்ணதினிலே.

— போற்று

3

பாவம் போக்கியே கோபம் மாற்றியே

ரோகம் தொலைத்தோனே

துரோகி என்னையே சுத்திகரித்த

தூய வேந்தனே

தூயா நேயா காயம் மாற்றியே

கருணா நிதியே பரிகாரியே.

— போற்று

4

பாரில் என்னையே பிரித்தெடுத்தோனே

தாவி வந்தோனே

அகமதினிலே ஆவி சந்தி

அருள் நிறைந்தவனே

தரிசனம் தந்த தேவனே

பரிசுத்தமாய் பாரில் ஜீவிக்க.

— போற்று

5

பூர்ணராகவே பூவில் வாழ்ந்திட

கிருபை அளித்தோனே

புகழை விரும்பேன் மகிழ்வேன் தினமே

மகிமை செலுத்திடுவேன்.

கோனே தேனே கோதில்லாதோனே

கானம் பாடியே துதித்திடுவேன்.

— போற்று