ஏசு கீரிஸ்து நாதர்

பல்லவி

ஏசு கீரிஸ்து நாதர்

எல்லாருக்கும் ரட்சகர்

1

மாசில்லா மெய்யரட்சகர்

மானிட ரூபுடையார்;

யேசு கீரிஸ்துவென்ற

இனிய நாமமுடையார்.

— ஏசு

2

வம்பு நிறைந்த இந்த

மானிட ஜாதிகள் மேல்;

அன்பு நிறைந்த கர்த்தர்

அதிக உருக்கமுள்ளோர்.

— ஏசு

3

பாவத்திலே கோபம் வைப்பார்,

பாவிமேல் கோபம் வையார்;

ஆவலாய் நம்பும் பாவிக்

கடைக்கலம் ஆக நிற்பார்.

— ஏசு

4

தன்னுயிர் தன்னைவிட்டுச்

சருவ லோகத்திலுள்ள ;

மன்னுயிர்களை மீட்க

மரித்தே உயிர்த்த கர்த்தர்.

— ஏசு

5

அந்தரவானத்திலும்,

அகிலாண்ட கோடியிலும்;

எந்தெந்த லோகத்திலும்

இவரிவரே ரட்சகர்.

— ஏசு