தூயாதி தூயவரே

பல்லவி

தூயாதி தூயவரே உமது புகழை நான் பாடுவேன்

பாரில் எனக்கு வேறொன்றும் வேண்டாம்

உயிருள்ளவரை நின் புகழ் பாட வேண்டும்.

1

துயரங்கள் பாரினில் அடைந்தவரே - துன்பங்கள் தாங்கி பெலன் தருமே.

- பாரில்

2

பாரோரின் நோய்களை தீர்த்திட்டவர் - பாவி என் பாவ நோயை தீர்த்திடுமே.

- பாரில்

3

சீடரின் கால்களை கழுவினவர் - செந்நீரால் என் உள்ளம் கழுவிடுமே.

- பாரில்

4

பரலோகில் இடமுண்டு என்றவரே - பரிவாக எனக்கும் ஓர் இடம் தருமே.

- பாரில்