ஏசு என்ற திருநாமத்திற்கு

பல்லவி

ஏசு என்ற திருநாமத்திற்கு

எப்போதுமே மிக ஸ்தோத்திரம்.

1

வானிலும் பூவிலும் மேலான நாமம்

வல்லமையுள்ள நாமமது

தூயர் சொல்லித் துதித்திடும் நாமமது.

— ஏசு

2

வேதாளம் பாதாளம் யாவையும் ஜெயித்த

வீருள்ள திருநாமமது

நாமும் வென்றிடுவோமிந்த நாமத்திலே.

— ஏசு

3

பாவத்திலே மாளும் பாவியை மீட்க

பாரினில் வந்த மெய் நாமமது

பரலோகத்தில் சேர்க்கும் நாமமது.

— ஏசு

4

உத்தம பக்தர்கள் போற்றித் துதித்திடும்

உன்னத தேவனின் நாமமது

உலகெங்கும் ஜொலித்திடும் நாமமது.

— ஏசு

5

சஞ்சலம் வருத்தம் சோதனை நேரத்தில்

தாங்கி நடத்திடும் நாமமது

தடை முற்றும் அகற்றிடும் நாமமது.

— ஏசு