என்னை மறவா இயேசு

பல்லவி

என்னை மறவா இயேசுநாதா

உந்தன் தயவால் என்னை நடத்தும்.

1

வல்ல ஜீவ வாக்குத்தத்தங்கள்

வரைந்தெனக்காய் சந்ததாலே ஸ்தோத்திரம்

ஆபத்திலே அரும் துணையே

பாதைக்கு நல்ல தீபமிதே.

— என்னை

2

பயப்படாதே வலங்கரத்தாலே

பாதுகாப்பேன் என்றதாலே ஸ்தோத்திரம்

ஏழை என்னை நின் கையினின்று

எவரும் பறிக்க இயலாதே.

— என்னை

3

தாய் தன் சேயை மறந்துவிட்டாலும்

உன்னை மறவேன் என்றதாலே ஸ்தோத்திரம்

உள்ளங்கையில் என்னை வரைந்தீர்

உன்னதா எந்தன் புகலிடமே.

— என்னை

4

உன்னைத் தொடுவோன்; என் கண்மணியை

தொடுவதாக உரைத்ததாலே ஸ்தோத்திரம்

அக்கினியின் மதிலாக

அன்பரே என்னை காத்திடுமே

— என்னை

5

உனக்கெதிராய் எழும்பும் ஆயுதம்

வாய்த்திடாதே என்றதாலே ஸ்தோத்திரம்

பறந்திடுதே உம் நாமத்திலே

பரனே எனக்காய் ஜெயக்கொடியே.

— என்னை

6

என்னை முற்றும் ஒப்புவித்தேனே

ஏற்று என்றும் நடத்துவீரே ஸ்தோத்திரம்

எப்படியாயினும் வருகையிலே

ஏழை என்னைச் சேர்த்திடுமே.

— என்னை