என் மீட்பர் உயிரோடு

பல்லவி

என் மீட்பர் உயிரோடிருக்கையிலே எனக்

கென்ன குறைவுண்டு? நீ சொல், மனமே.

1

பொன்னோனா தொலைந்திடும், மண்ணோனா அழிந்திடும்,

பூவோ ரொழிந்திடுவார் கணமே;

என்னாசைமிகும் யேசுவோ நித்தியர்,

எல்லாப் பொருள்விலை கொள்ளாப் பொருளெனும்,

— என்

2

என்னுயிர் மீட்கவே தன்னுயிர் கொடுத்தோர்,

என்னோடிருக்கவே எழுந்திருந்தோர் ;

விண்ணுல குயர்ந்தோர் உன்னதஞ் சிறந்தோர்,

மித்திரனே, சுகபத்திரமருளும்.

— என்

3

பாவமோ, மரணமோ, நரகமோ, பேயோ,

பயந்து நடுங்கிட ஜெயஞ் சிறந்தோர் ;

சாபமே தீர்த்தோர் சற்குரு நாதன்,

சஞ்சல மினியேன்? நெஞ்சமே மகிழாய்.

— என்

4

ஆசி செய்திடுவார், அருள் மிக அளிப்பார்,

அம்பரந் தனிலெனக்காய் ஜெபிப்பார்;

மோசமே மறைப்பார்; முன்னமே நடப்பார்,

நித்ய வழி சத்யம் வாசல் உயிரெனும்.

— என்

5

கவலைகள் தீர்ப்பார், கண்ணீர் துடைப்பார்;

கடைசி மட்டுங் கைவிடாதிருப்பார்;

பாவ மன்னிப்பளிப்பார், பாக்கியங்கொடுப்பார்,

பரம பதவியினுள் எந்தனை எடுப்பார்.

— என்

6

போனது போகட்டும், புவிவசை பேசட்டும்,

பொல்லான் அம்புக ளெய்திட்டும்;

ஆனது ஆகட்டும், அருள்மழை பெய்திடும்,

அன்புமிகும் பேரின்ப மெனக்கருள்.

— என்