இயேசுவின் நாமம் இனிதான நாமம்

பல்லவி

இயேசுவின் நாமம் இனிதான நாமம்

இணையில்லா நாமம் இன்ப நாமம்.

1

பாவத்தைப் போக்கும் பயமதை நீக்கும்

பரம சந்தோஷம் பக்தருக்களிக்கும்.

— இயேசு

2

பரிமள தைலமாம் இயேசுவின் நாமம்

பார் எங்கும் வாசனை வீசிடும் நாமம்

— இயேசு

3

வானிலும் பூவிலும் மேலான நாமம்

வானாதி வானவர் இயேசுவின் நாமம்

— இயேசு

4

நேற்றும் இன்றும் மாறிடா நாமம்

நம்பினோரை என்றும் கைவிடா நாமம்

— இயேசு

5

முழங்கால் யாவும் முடக்கிடும் நாமம்

மூன்றில் ஒன்றாக ஜொலிப்பவர் நாமம்

— இயேசு

6

சாத்தானின் சேனையை ஜெயித்திட்ட நாமம்

சாப பிசாசைத் துரத்திடும் நாமம்

— இயேசு