இயேசு என் அஸ்திபாரம்

இயேசு என் அஸ்திபாரம், ஆசை எனக்கவரே

நேச முசிப்பாறுதல், இயேசுவில் கண்டேன் யானும்.

1

பஞ்சம் பசியுடனே, மிஞ்சும் துயர் வந்தாலும்,

அஞ்சிடேனே இவையை என் தஞ்சம் யேசு இருக்கையில்

2

என்ன மதுரம் அவர்; நன்னய நாமச்சுவை,

என்னகத்தில் நினைந்ததால், இன்னல் பறந்திடுமே.

3

லோகம் என்னை எதிர்த்து, போவென்று சொல்லிடினும்

சோகம் அடைவேனோ என் ஏகன் எனக்கிருக்க.

4

என்னென்ன மாயலோகக் கன்னல் என்மேல் வந்தாலும்,

முன்னும் பின்னுமா யேசு, என்னை நடத்திடுவார்.

5

வியாதியால் என்தனது, காபக் கெட்டுப் போயினும்,

மாயத் தோற்றத்தை யேசு, நாயகன் மாற்றிடுவார்.

6

பாவத்தால் என்னில் வந்த, சாபக் கறைகள் மாற்றி,

சோபித நீதியுடை, ஆபரணமாய் சீவார்.

7

ஆசை என் மணவாட்டி, ஆக்குவேன் உன்னையேனும்,

நேச உறுதியுறை, இயேசு எனக்களித்தார்.