ஆத்துமமே, என் முழு உள்ளமே

பல்லவி

ஆத்துமமே, என் முழு உள்ளமே, - உன்

ஆண்டவரைத் தொழு தேத்து; இந்நாள் வரை

அன்பு வைத்தாரித்த

ஆண்டவரைத் தொழுதேத்து.

1

போற்றிடும் வானோர், பூதலத் துள்ளோர்

சாற்றுதற் கரிய தன்மையுள்ள.

— ஆத்துமமே

2

தலைமுறை தலைமுறை தாங்கும் விநோத

உலக முன்தோன்றி ஒழியாத.

— ஆத்துமமே

3

தினம் தினம் உலகில் நீ செய் பலவான

வினைபொறுத் தருளும் மேலான

— ஆத்துமமே

4

வாதை நோய், துன்பம் மாற்றி, அனந்த

ஓதரும் தயை செய் துயிர் தந்த

— ஆத்துமமே

5

உற்றுனக் கிரங்கி உரிமை பாராட்டும்

முற்றும் கிருபையினால் முடிசூட்டும்

— ஆத்துமமே

6

துதி மிகுந்தேற ஸ்தோத்தாரி தினமே

இதயமே, உள்ளமே, என் மனமே

— ஆத்துமமே