அன்பிலே பூரணரே

பல்லவி

அன்பிலே பூரணரே - எங்கள்

ஆனந்த ரூபா அதிசய ராஜா.

அனுபல்லவி

அழகில் சிறந்தோனே - எங்கள்

ஆசையின் கோமானே

ஆ! ஆனந்தம் ஆ! ஆனந்தம்

அன்னியராம் எமை அழைத்தணைத்தீரே.

— அன்

1

காத்தீரே கருணையுடன் - எம்

கலகங்கள் நீக்கி கனிவுடன் தூக்கி

கதியில்லா ஏழைகளின் - பெரும்

கவலைகளைப் போக்கி

ஆ! ஆனந்தம் ஆ! ஆனந்தம்

ஆறுதல் அளித்தீர், அனுதினம் துதிப்பேன்.

— அன்

2

ஆனந்தம் ஆனந்தமே - உம்

ஆருயிர் சந்தீர் அவனியில் வந்தீர்

அலைகதனை வென்றீர்-அவன்

அடிமைகளை மீட்பர்

ஆ! ஆனந்தம் ஆ! ஆனந்தம்

அல்லேலூயா பாடி அகமகிழ்ந்திடுவோம்.

— அன்

3

நித்தியப் பரிசுத்தரே - உம்

வருகையில் அடியாரை பரிசுத்தம் செய்யும்

உத்தம ஜீவிகளாய் - நல்

நித்திய வாழ்வினிலே

ஆ! ஆனந்தம் ஆ! ஆனந்தம்

அல்லேலூயா கீதம் பாடி மகிழ்வோம்.

— அன்

4

தோத்திரம் துதியுமக்கே - தேவா

அன்பின் ஆழம் அறிந்து புகழ்வோம்

ஆயத்த முள்ளோர்க்கே - நீர்

அருணோதயமாவீர்

ஆ! ஆனந்தம் ஆ! ஆனந்தம்

அல்லேலூயா பாடி அகமகிழ்ந்திடுவோம்.

— அன்