மேக மீதில் ஏசு ராஜன்

பல்லவி

மேகமீதில் ஏசு ராஜன்

வேகம் வாராரே.

அனுபல்லவி

ஆயத்தமுள்ளோரை ஆகாயஞ் சேர்க்க

அவரே வாராரே.

1

ஆண்டவர் தாமே ஆர்ப்பரிப்போடே

அவனியில் வாராரே

மீண்டவரோ மேலோகமே செல்ல

மேதினியை விடுவார்.

2

கிறிஸ்துவுக்குள்ளே மரித்தோரெல்லாம்

கிளம்பியே எழும்பிடுவார்

மரிக்காதிருக்கும் பரிசுத்தரெல்லாம்

மறைந்தே போவாரே.

3

பாடுபட்டோர்க்குப் பலனளிப்பாரே

பாடுபட்டவர் தாமே

கூடும் நமக்கோ குறைவில்லாப் பலனையே

கூடவே கொடுத்திடுவார்.

4

அவருரைத்த அடையாளங்களெல்லாம்

தவறாமல் நடக்கின்றதே

அவர்வரும் வேளையை எவருமறியார்

ஆண்டவரே அறிவார்.

5

ஆயிரவருஷ ஆளுகை செய்வார்

ஆண்டவர் ஏசுதாமே

நீதி சமாதானம் நிறைந்தேயிருக்கும்

ஜோதியின் ஆளுகையில்.

6

அல்லேலூயா கீதமே பாடி

அகமகிழ்ந்து ஆடிடுவோம்

வல்லவர் வரும் வேளையுமிதோ

மெல்லவே நெருங்கிற்றே.