மகிமையுள்ள மாயேசுராஜன்

பல்லவி

மகிமையுள்ள மாயேசுராஜன் வானதூத சேனைகளோடு

சீக்கிரம் வாரார் ஆனந்தமாமே.

1

பூமியும் அதிசயிக்க வானோர்கள் ஆர்ப்பரிக்க

தூதரொளியுடன் மேகமதில் வாரார் (2)

ஏழை நாங்கள் இயேசுவைச் சந்திப்போம்

ஆனந்தமாமே.

2

எக்காளந்தான் தொனிக்க வாஞ்சைகள் யாவும் தீர

நண்பரின் பக்கத்தில் யாவரும் கூடியே (2)

ஆனந்தம்பாடி நாம் இயேசுவைப் போற்றிட

ஆனந்தமாமே.

3

பூமியின் ஜாதிகளும் தேசத்தின் ராஜாக்களும்

மனுவேல் ராஜனால் நியாயம் விதிபெற (2)

அன்பார்ந்த நாங்கள் இயேசுவுடன் நிற்கும்

ஆனந்தமாமே.

4

ஆயிரம் ஆண்டுகளும் பூமியின் ஆட்சிகளும்

முற்றுமாய்த் தீர்ந்தபின் அன்பருடன் நாங்கள்

நித்தியம் ஜீவித்து ஆளுகை செய்திடும்

ஆனந்தமாமே.