பிரதான தூதன் எக்காளம்

பல்லவி

பிரதான தூதன் எக்காளம் முழங்க

பரமன் இயேசு வருவார் (2).

அனுபல்லவி

சாயுங்காலத்திலோ, நடுராவினிலோ

சேவல் கூவிடும் நேரத்திலோ

அதிகாலையிலோ எந்த வேளையிலோ

பரமன் இயேசு வருவார்.

1

இருவர் வயலில் இருப்பார்

இரண்டு ஸ்திரீகள் எந்திரம் அரைப்பார்

ஒருவர் கைவிடப்படுவார்

ஏற்றுக்கொள்ளப்படுவார் ஒருவர்.

2

நோவா காலத்தின் சம்பவம் போல்

நடந்திடும் அந்த நாட்களிலே

புசித்தும் குடித்தும் பெண் கொண்டும்

பலர் அசந்து வெறித்திருப்பார்.

3

லௌகீகக் கவலைகளினாலும்

இச்சை மிகுந்த வெறியினாலும்

எம் இதயம் பாரம் அடையாமல்

எச்சரிக்கையுடன் காத்திருப்போம்.

4

இரவும் பகலும் விழிப்பாய்

இருதயம் நொறுங்கி ஜெபிப்போம்

கற்புள்ள கன்னிகையாக நாமும்

கர்த்தர் வருகைக்குக் காத்திருப்போம்.

5

தவிக்கும் உலகம் அந்நாளில்

தலைகளை உயர்த்தி நடப்போம்

வருகை நெருங்க கர்த்தர் இயேசு

வாசற்படியில் வந்து நிற்கிறார்.