இராஜாதி இராஜன் தேவாதி தேவன்

பல்லவி

இராஜாதி இராஜன் தேவாதி தேவன்

வேகம் வருகின்றாரே.

அனுபல்லவி

நம் இயேசு ராஜா வருவார், எந்தன்

சுத்தரைச் சேருங்கள் என்பார்

ஆஹா நாமங்கு சேர்ந்திடுவோம்.

1

முத்திரை பெற்ற சுத்தர் எல்லோரும்

வெண்ணங்கி தரித்தவராய்

ஜெயக்கொடிகள் பிடித்திடுவார் மீட்பின் கீதங்கள் பாடிடுவார்

ஆஹா என்ன பேரின்பம் அது.

2

தீட்டுள்ள ஒன்றும் உள்ளே செல்லாத

மேலோக ஆட்சி இது

துக்கம் நோயும் அங்கில்லையே பசிதாகமும் அங்கே இல்லை

பெரும் அல்லேலூயா முழக்கமே.

3

விருந்தாகும் இந்த ஆராதனையை

தந்துமே மகிழச் செய்தார்

மத்திய வானத்தில் ஓர் விருந்து சிறப்பாகவே ஒதுக்கிடுவார்

மீட்கப்பட்டோர் மட்டும் அருந்த.

4

என்ன சந்தோஷம் நித்திய சந்தோஷம்

மீட்பின் சந்தோஷம் இது

சஞ்சலம் தவிப்பும் இல்லையே நித்திய மகிழ்ச்சி

நம் தலைமேலே

இயேசு இரத்தத்தின் புண்ணியம் இது.

5

நம் மீட்பர் உயிரோடிருப்பதால் நம்

கண்ணால் அவரைக் காண்போம்

நாம் தூசிகள் உதறியே தூய்மையை அணிந்திடுவோம்

நம் தூய தேவனைக் காண.

6

பரிசுத்தவான்கள் பரிசுத்தமாக்கும்

காலம் இதுவே தானே

நீதிமானே நீதி செய்வாய் பலனோடு நான் வாரேன் என்றார்

ஆமென் இயேசுவே வாரும் ஐயா.