அப்பா என்னை முழுவதும்

பல்லவி

அப்பா என்னை முழுவதும் அர்ப்பணித்தேன் ஐயா

உயிரோடிருக்கும் நாளெல்லாம் உமக்குச் சொந்தமையா

அர்ப்பணித்தேன் (நான்) அர்ப்பணித்தேன்

ஆவி ஆத்துமா சரீரம் அர்ப்பணித்தேன் - என்

சரணம் 1

உள்ளம் உடல் எல்லாமே உமக்குத் தந்தேனையா

கள்ளம் கபடு இல்லாமல் காத்துக் கொள்ளுமையா - ஒரு

சரணம் 2

உலகப்பெருமை சிற்றின்பம் உதறிவிட்டேனையா

கசப்பு வெறுப்பு காயங்கள் கடந்து போனதையா

சரணம் 3

வாக்குவாதம் பொறாமைகள் தூக்கி எறிந்தேன் நான்

ஆண்டவர் இயேசுவை ஆடையாய் அணிந்து கொண்டேன் நான்

சரணம் 4

உமக்காய் வாழும் வைராக்கியம் உள்ளத்தில் வந்ததையா

எனக்காய் வாழும் எண்ணங்கள் என்றோ மடிந்ததையா (செத்ததையா)