அப்பா உம்மை நேசிக்கிறேன்

பல்லவி

அப்பா உம்மை நேசிக்கிறேன்

ஆர்வமுடன் நேசிக்கிறேன்

சரணம் 1

எப்போதும் உம் புகழ்தானே

எந்நேரமும் ஏக்கம் தானே

எல்லாம் நீர்தானே - ஐயா

சரணம் 2

பலியாகி என்னை மீட்டீரையா

பாவங்கள் சுமந்து தீர்த்தீரையா

ஒளியாய் வந்தீரையா - ஐயா

சரணம் 3

உந்தன் அன்பு போதுமையா

உறவோ பொருளோ பிரிக்காதையா

என் நேசர் நீர்தானையா - ஐயா

சரணம் 4

கண்ணீர் துடைக்கும் காருண்யமே

மன்னித்து மறக்கும் தாயுள்ளமே

விண்ணக பேரின்பமே - அப்பா

சரணம் 5

அநுதின உணவு நீர்தானையா - என்

அன்றாட வெளிச்சம் நீர்தானையா

அருட்கடல் நீர்தானையா - எனக்கு

சரணம் 6

ஒரு குறையின்றி நடத்துகின்றீர்

ஊழியம் தந்து மகிழ்கின்றீர்

அருகதை இல்லையையா - ஐயா

சரணம் 7

ஜெபமே எனது ஜீவனாகணும்

ஜெயக்கொடி எனது இலக்காகணும்

ஊழியம் உணவாகணும்