உம்மில் நான் வாழ்கிறேன்

பல்லவி

(கொலோ.2:6, எபே.2:22, 1:23,5:23, யோ.15:5,5:17)

உம்மில் நான் வாழ்கிறேன்

உமக்குள்ளே வளர்கிறேன்

சரணம் 1

ஜீவத்தண்ணீராம் உமக்குள்ளே

வேர் கொண்டு வளரும் மரம் நானே

படர்ந்திடுவேன் நிழல் தருவேன்

பறவைகள் தங்கும் வீடாவேன்

சரணம் 2

அடித்தளம் இரட்சகர் இயேசுவின் மேல்

அமைந்து உயரும் கட்டடம் நான்

பெருங்காற்று அசைப்பதில்லை

பெருமழையோ பிரிப்பதில்லை

சரணம் 3

இயேசுவே எனது தலையானீர்

நானோ உமது உடலாயேன்

உம் நினைவு என் உணவு

உம் விருப்பம் என் ஏக்கம்

சரணம் 4

செடியான உம்மோடு இணைந்துவிட்டேன்

கொடியாய் படர்ந்து கனி தருவேன்

இலைகளெல்லாம் மருந்தாகும்

கனிகளெல்லாம் விருந்தாகும்

சரணம் 5

உமது வார்த்தைகள் எனக்குள்ளே

உந்தன் ஆவி என்னோடே

மீட்பளிக்கும் நறுமணம் நான்

கேட்பதெல்லாம் பெற்றுக் கொள்வேன்