இயேசுவின் கரங்களை

பல்லவி

இயேசுவின் கரங்களைப் பற்றிக் கொண்டேன் நான்

இயேசுவின் கரங்களைப் பற்றிக் கொண்டேன்

எதற்கும் பயம் இல்லையே

இனியும் கவலை எனக்கில்லையே

அல்லேலூயா (4)

சரணம் 1

இயேசுவுக்காய் அவமானம் ஏற்றுக் கொண்டேன்

இனிவரும் பலன் மேல் நோக்கமானேன்

அழிந்து போகும் பாராட்டு வேண்டாமே

அரவணைக்கும் இயேசு போதும் போதுமே

சரணம் 2

அதிவிரைவில் நீங்கும் இந்த உபத்திரவம்

அதிகமான கனமகிமை உண்டாக்கும்

காண்கின்ற எல்லாமே அநித்தியம்

காணாதவைகளோ நித்தியம்

சரணம் 3

பகைவர்க்கு அன்பு காட்டிடுவேன்

வெறுப்பவர்க்கு நன்மை செய்திடுவேன்

சபிப்பவர்க்கு ஆசி கூறிடுவேன்

தூற்றுவோருக்காக ஜெபித்திடுவேன்

சரணம் 4

கர்த்தரையே முன்வைத்து ஓடுகிறேன்

கடும்புயல் வந்தாலும் அசைவதில்லை

எதையும் தாங்குவேன் இயேசுவுக்காய்

இனியும் சோர்ந்து போவதே இல்லை

சரணம் 5

ஆட்கொண்ட தேவனை நம்புகிறேன்

அவருக்குள் வேர் கொண்டு வளருகிறேன்

கோடைக்காலம் வந்தாலும் அச்சமில்லையே

வறட்சிக் காலம் வந்தாலும் கவலையில்லையே

சரணம் 6

வேதத்தில் இன்பம் காண்கின்றேன்

விரும்பி தியானம் செய்கின்றேன்

வாய்க்காலில் நடப்பட்ட மரம் நான்

வாழ்க்கையெல்லாம் தவறாமல் கனி கொடுப்பேன்