பல்லவி
விழுகுது விழுகுது எரிகோ கோட்டை - அல்லேலூயா
எழும்புது எழும்புது இயேசுவின் படை - (2)
துதிப்போம் சாத்தானை ஜெயிப்போம்
துதிப்போம் தேசத்தை சொந்தமாக்குவோம் (2)
சரணம் 1
யோசுவாவின் சந்ததி நாமே
தேசத்தை சுதந்தரிப்போமே (2)
உடன்படிக்கைப் பெட்டி நம்மோடு
ஊர் ஊராய் வலம் வருவோமே (2)
சரணம் 2
கால் மிதிக்கும் எவ்விடத்தையும்
கர்த்தர் தந்திடுவாரே (2)
எதிர்த்து நிற்க எவராலுமே
முடியாது என்று வாக்குரைத்தாரே
சரணம் 3
மோசேயோடு இருந்தது போல
சேனைகளின் கர்த்தர் நம்மோடு
தளபதியாய் முன் செல்கிறார்
தளர்ந்திடாமல் பின் தொடர்வோம்
சரணம் 4
அச்சமின்றி துணிந்து செல்வோமே
அறிக்கை செய்து ஆர்ப்பரிப்போமே
கர்த்தர் வார்த்தை நம் வாயிலே
நிச்சயமாய் வெற்றி பெறுவோம்
சரணம் 5
தேசத்து எதிரிகளெல்லாம்
திகில் பிடித்து நடுங்குகின்றனர்
கர்த்தர் செய்யும் அற்புதங்களை
கேள்விப்பட்டு கலங்குகின்றனர்
சரணம் 6
செங்கடலை வற்றச் செய்தவர்
சீக்கிரத்தில் வெற்றி தருவார்
யோர்தானை நிற்கச் செய்தவர் - நம்
பாரதத்தை ஆளுகை செய்வார்