ஆரவாரம் ஆர்ப்பாட்டம்

பல்லவி

ஆரவாரம் ஆர்ப்பாட்டம்

அப்பா சந்நிதியில்

நாளெல்லாம் கொண்டாட்டம்

நல்லவர் முன்னிலையில்

நன்றி பாடல் தினமும் பாடுவோம்

நல்ல தேவன் உயர்த்திப் பாடுவோம்

சரணம் 1

கல்வாரி சிலுவையிலே கர்த்தர்

இயேசு வெற்றிச்சிறந்தார்

கண்ணீரை மாற்றி நம்மை

காலமெல்லாம் மகிழச் செய்தார்

சரணம் 2

கிறிஸ்துவை நம்பினதால்

பிதாவுக்குப் பிள்ளையானோம்

அப்பான்னு கூப்பிடப்பண்ணும்

ஆவியாலே நிரப்பப்பட்டோம்

சரணம் 3

உயிர்த்த கிறிஸ்து நம்ம

உள்ளத்திலே வந்துவிட்டார்

சாவுக்கேதுவான நம்ம

சரீரங்களை உயிர்ப்பிக்கிறார்

சரணம் 4

ஆவிக்கேற்ற பலி செலுத்தும்

ஆசாரிய கூட்டம் நாம்

வெளிச்சமாய் மாற்றியவர்

புகழ்ச்சிதனை பாடிடுவோம்

சரணம் 5

துயரம் நீக்கிவிட்டார்

கொண்டாட்டத்தின் ஆடை தந்தார்

ஒடுங்கின ஆவி நீக்கி

துதி என்னும் உடையை தந்தார்

சரணம் 6

நீதியின் சால்வை தந்து

இரட்சிப்பாலே போர்த்துவிட்டார்

மணமகன் மணமகள் போல்

அலங்கரித்து மகிழ்கின்றார்

சரணம் 7

இயேசுவின் பெயராலும்

ஆவியாலும் கழுவப்பட்டோம்

நீதிமானாய் மாற்றப்பட்டு

தூய்மையான பிள்ளைகளானோம்

சரணம் 8

மூலைக்கல்லாம் கிறிஸ்துவின் மேல்

கட்டப்பட்ட மாளிகை நாம்

ஆவிதாங்கும் ஆலயமாய்

வளர்கின்ற கோபுரம் நாம்

சரணம் 9

விண்ணகமே நம் நாடு

வருகைக்காக காத்திருப்போம்

அற்பமான நமது உடல்

அப்பா போல மாறிடுமே