ஆண்டவர் படைத்த வெற்றியின்

பல்லவி

ஆண்டவர் படைத்த வெற்றியின் நாளிது

இன்று அகமகிழ்வோம் அக்களிப்போம்

அல்லேலூயா பாடுவோம்

அல்லேலூயா தோல்வி இல்லை

அல்லேலூயா வெற்றி உண்டு

சரணம் 1

எனக்கு உதவிடும் எனது ஆண்டவர்

என் பக்கம் இருக்கிறார்

உலக மனிதர்கள் எனக்கு எதிராக

என்ன செய்ய முடியும்

தோல்வி இல்லை எனக்கு

வெற்றி பவனி செல்வேன்

தோல்வி இல்லை நமக்கு

வெற்றி பவனி செல்வோம்

சரணம் 2

எனது ஆற்றலும் எனது பாடலும்

எமது மீட்புமானார்

நீதிமான்களின் (கூடாரத்தில்) சபைகளிலே

வெற்றி குரல் ஒலிக்கட்டும்

சரணம் 3

தள்ளப்பட்ட கல் கட்டிடம் தாங்கிடும்

மூலைக்கல் ஆயிற்று

கர்த்தர் செயல் இது அதிசயம் இது

கைத்தட்டிப் பாடுங்களேன்

சரணம் 4

என்றும் உள்ளது உமது பேரன்பு

என்று பறைசாற்றுவேன்

துன்ப வேளையில் நோக்கி கூப்பிட்டேன்

துணையாய் வந்தீரையா