கர்த்தரை நம்பினோர் பேறுபெற்றோர்

பல்லவி

கர்த்தரை நம்பினோர் பேறுபெற்றோர்

சீயோன் மலைபோல் உறுதியுடன்

அசையாமல் இருப்பார்கள் - 2

சரணம் 1

எருசலேம் நகரம் மலைகளால்

எப்போதும் சூழ்ந்து இருப்பதுபோல்

இப்போதும் எப்போதும் கர்த்தர் நம்மை

சூழ்ந்து சூழ்ந்து காத்திடுவார்

சரணம் 2

வாய்க்கால்கள் ஓரத்தில் நடப்பட்டு

கனிதரும் மரமாய் வளர்வார்கள்

கோடை காலத்தில் பயமில்லை

வறட்சி வந்தாலும் கவலையில்லை

சரணம் 3

மனைவி கனிதரும் திராட்சைச் செடி

பிள்ளைகள் ஒலிவக் கன்றுகள் போல்

இல்லத்தில் மகிழ்ந்து வாழ்வார்கள்

இடைவிடாமல் ஜெபிப்பார்கள்

சரணம் 4

கர்த்தரை நேசித்து அவர் வழியில்

நடக்கும் மனிதர் பேறுபெற்றோர்

உழைப்பின் பயனை உண்பார்கள்

நன்மையும் நலமும் பெறுவார்கள்