எங்கே சுமந்து போகிறீர்

பல்லவி

எங்கே சுமந்து போகிறீர்? சிலுவையை நீர்

எங்கே சுமந்து போகிறீர்?

1

எங்கே சுமந்து போகிறீர் இந்தக் காலையில் உந்தன்

அங்கம் முழுதும் நோக, ஐயா, என் ஏகநாதா!

— எங்கே

2

தோளில் பாரம் அழுத்த, தூக்கப் பெலம் இல்லாமல்,

தாழ்ந்து தத்தளிக்கவே, தாப சோபம் உற, நீர்,

— எங்கே

3

வாதையினால் உடலும் வாடித் தவிப்புண்டாக,

பேதம் இல்லாச் சீமோனும் பின்னாகத் தாங்கிவர,

— எங்கே

4

தாயார் அழுதுவர சார்ந்தவர் பின் தொடர,

மாயம் இல்லாத ஞான மாதர் புலம்பி வர,

— எங்கே

5

வல்ல பேயைக் கொல்லவும், மரணந்தனை வெல்லவும்,

எல்லை இல்லாப் பாவங்கள் எல்லாம் நாசமாகவும்,

— எங்கே

6

வண் கள்ளர் நடுவில் மரத்தில் தொங்குவதற்கோ?

சண்டாளர்களைத் தூக்கும் தலையோடு மேட்டுக்கோ,

— எங்கே

7

மாசணுகாத சத்திய வாசகனே, உமது

தாசர்களைக் காக்கவும் தாங்கச் சுமையை எடுத்து,

— எங்கே