யேசுவுக்கு நமது தேசத்தை

யேசுவுக்கு நமது தேசத்தைச் சொந்தமாக்கப்

பாசமாய் முயல்வோம் தாசரே

அனுபல்லவி

தேசொளி ஞாலமெங்கும் வீசும் யேசுவில் விசு

வாசம் வைத்தன்பின் சுவிசேஷத்தை ஏந்தி – யேசு

சரணங்கள்

கங்காநதி துவக்கி கன்னியாகு மரிவரை

எங்குமே யேசுராசா ஆளவே அவர்

சிங்காரக் கொடி மேலிலங்கக் குடிகளெல்லாம்

மங்காச் சந்தோஷ முற்று வாழவே மன்னன் – யேசு

வித்தை பூர்விக நூல்கள் தத்துவ ஞானத்துக்கு

மெத்தப் பேர்போன இந்திய தேசமாம் – இதில்

சத்தயமாக வந்த நித்யர் யேசுவின் பரி

சுத்த பரம ஞானம் ஜோதியாய்த் தோன்ற – யேசு

தீய மாமூல் வழக்கம் ஓய வீண்பக்தி நீங்க

மாயக் கோட்பாடு முற்றும் மாறவே யேசு

தூயன் சத்தியவேத ஞாயவிதிகள் உள்ளம்

பாயநம் நாட்டார் குணமாகவே வல்ல – யேசு

நம்மை வெறுத்து யேசுநாதனுக் கொப்புவித்துச்

செம்மையுடன் உழைத்துச் சேவிப்போம் அவர்க்

குண்மை பாராட்டி நமக்குள்ள யாவும் படைத்து

நம்மாலியன்றளவு முயல்வோமே என்றும் – யேசு