இயேசுவை அன்றி வேறொரு ரட்சகர்

பல்லவி

யேசுவை அன்றி வேறொரு ரட்சகர்

காசினி தனிலுண்டோ, மனமே?-அவர்

நேசமறிந்து விசுவாசம் இல்லாமலே,

மோசம் போவதேன், மனமே?

சரணங்கள்

1. ஆதம் ஏவை செய்த பாதகம் தொலைந்திடப்

பூதலம் வந்ததார், மனமே?-கொடும்

யூதர்களால் பல வாதைகள் கொண்டு திவ்ய

போதகம் செய்ததார், மனமே? – யேசு

2. இந்த வாழ்வு கன நிந்தை என்றுனது

சிந்தை தெளிந்திருந்தும், மனமே-ஐயோ!

பந்த பாசமதில் நொந்து நாள் தோறும் அ

லைந்து திரிவதேன், மனமே? – ஏசு

3. பூதல மீதினில் ஓதரி[1] தாம் பரஞ்

சோதியைப் போற்றிசெய் மனமே;-செய்தால்

பாதகம் போய் மோட்ச சாதகம் ஆமென்று

வேதமுரைக்கு தல்லோ மனமே? – ஏசு