யேசுநாதனே இரங்கும்

பல்லவி

யேசுநாதனே! இரங்கும் என் – யேசு நாதனே!

அனுபல்லவி

ஆசைக் கிறிஸ்தென தன்புள்ள நேசனே!

அருளே! தெருளே! பொருளே!

ஆவல் ஆகினேன் மகா பிரலாபம் மூழ்கினேன்

ஆயா! நேயா! தூயா! ரட்சியும்

ஆபத்தினால் பரிதபித்து நிற்கிறேன்.- யேசு

சரணங்கள்

1.அருமைரட்சகனே! உனை அல்லாமல் ஆதரவார்? ஐயா!

ஆத்துமநாயகன் நீ எனக்கல்லவோ? அன்புகூர் மெய்யா!

தருணம் தருணம் கைவிடாதேயும்

தலைவா! நலவா! வலவா!

தாமதியாதே – கிருபைசெய்யும்- சாமி இப்போதே

தாதா! நாதா! நீதா! நீகா!

தருமப்பிர காசனே! பரம சருவேசனே!- யேசு

2.ஐந்துகாயத்தின் கிருபைக்கோட்டையில் அடைக்கலந் தாவே

ஆதாமின் பாவத்தாலே மானிடன் ஆன மெய்வாழ்வே

விந்தைக்கிருபை அளிக்க வேண்டும்

விமலா! நிமலா! அமலா!

வேறு பண்ணாதே – மிகும்சீறு – மாறுநண்ணாதே

மேலா! கோலா! நூலா! நீயே

விரும்பிச்சேரும் கோவே! திரும்பிப்பாரும் தேவே! – யேசு

3.உன்னைப்போல் நரர்க்கார் பாடுபட்டது? உரிமைச் சீமோனே!

உத்தம மேய்ப்பனே! சத்தியமீட்பனே! உண்மைக் கோமானே!

என்னை ரட்சிப்பதுன்;கடன் அல்லவோ?

இறையே! நிறையே! பொறையே!

ஏதம் இல்லானே! – அடியாரைத் – தீதுசொல்லானே!

ஏகா! வாகா! ஆகா! இரட்சியும்

இரக்கமே உன்தஞ்சம் நெருக்கமே பிரபஞ்சம்.- யேசு