ஏங்குதே என்னகந்தான்

பல்லவி

ஏங்குதே என்னகந்தான், துயர்

தாங்குதில்லை முகந்தான்.

அனுபல்லவி

பூங்காவிலே கனிந்தேங்கி நீர் மன்றாட‌

ஓங்கியே உதிரங்கள்

நீங்கியே துயர் கண்டு – ஏங்குதே

சரணங்கள்

1. மேசியாவென்றுரைத்து, யூத‌

ராஜனென்றே நகைத்து,

தூஷணித்தே அடித்து, நினைக்குட்டி

மாசுகளே சுமத்தி,

ஆசாரமின்றியே ஆசாரியனிடம்

நீசர்கள் செய் கொடும் தோஷமது கண்டு – ஏங்குதே

2. யூதாஸ் காட்டிக்கொடுக்க, சீமோன்

பேதுரு மறுதலிக்க‌,

சூதா யெரோதே மெய்க்க, வெகு

தீதாயுடை தரிக்க‌,

நாதனே, இவ்விதம் நீதமொன்றில்லாமல்

சோதனையாய்ச் செய்யும் வேதனையைக் கண்டு – ஏங்குதே

3. நீண்ட குரு செடுத்து, எருசலேம்

தாண்ட மலையெடுத்து

ஈண்டல்[1] பின்னே தொடுத்து, அவரின்மேல்

வேண்டும் வசை கொடுத்து,

ஆண்டவர் கை காலில் பூண்டிடும் ஆணியால்

மாண்டதினால் நரர் மீண்ட தென்றாலுமே – ஏங்குதே