ஏன் இந்தப் பாடுதான்

Yean Intha Paaduthan – ஏன் இந்தப் பாடுதான்

ஏன் இந்தப் பாடுதான்! – சுவாமி

என்ன தருவேன் இதற்கீடுநான்?

ஆனந்த நேமியே – எனை ஆளவந்த குரு சுவாமியே

1. கெத்செமனே யிடம் ஏகவும் – அதின்

கெழு மலர்க் காவிடை போகவும்

அச்சயனே, மனம் நோகவும் – சொல்

அளவில்லாத் துயரமாகவும்

2. முழந்தாள் படியிட்டுத் தாழவும் – மும்

முறை முகம் தரைபட வீழவும்

மழுங்கத் துயர் உமைச் சூழவும், – கொடு

மரண வாதையினில் மூழ்கவும்

3. அப்பா, பிதாவே என்றழைக்கவும், – துயர்

அகலச் செய்யும் என்றுரைக்கவும்

செப்பும் உன் சித்தம் என்று சாற்றவும், – ஒரு

தேவதூதன் வந்து தேற்றவும்

4. ஆத்துமத் துயர் மிக நீடவும், குழம்

பாக உதிர வேர்வை ஓடவும்

சாத்திர மொழிகள் ஒத்தாடவும், – உந்தன்

தாசரும் பதந்தனை நாடவும்