விண்ணின் வேந்தன் மண்ணில்

விண்ணின் வேந்தன் மண்ணில்

பிறந்தார் வியப்புடன் பாடிடுவோம்

வாய்மையானவர் வழியுமானவர்

வியப்புடன் போற்றிடுவோம்

அன்னையுள்ளம் கொண்டவர்,

முன்னணையில் பிறந்தார்

கந்தைத்துணி கோலமாய்,

மீட்பரே பிறந்தார்! பிறந்தார்!

அன்பின் மீட்பர் அன்பாகப் பிறந்தார் – 2

1. வாழ்வாயிருப்பவர் வாழ்வைத் தந்தவர்

மாறும் உலகிலே மாறா நல்லவர்

நேசகரம் நீட்டி நேசிக்கின்ற தேவன்

பாசமுடன் நம்மில் வாழ வந்த நாதன்

அவரைப் பாடி மகிழ்வோம் – அன்னையுள்ளம்

2. தோளில் சுமப்பவர் தோழன் ஆனவர்

பாரம் சுமக்கவே பாரில் வந்தவர்

பாவிகளை மீட்க பாடுகளைத் தாங்க

தேவ மகன் இங்கு பாலனாக தூங்க

தூதர் வந்து பாட – அன்னையுள்ளம்