விண்டார் கிறிஸ்தேசு

விண்டார் கிறிஸ்தேசு – Vindaar Kiristhesu

1. விண்டார் கிறிஸ்தேசு – குணப்பட

வென்றே ஒரு உவமை

உண்டு ஒருவனுக்குப் – புதல்வர்

இரண்டவரிலிளைஞன்

2. தந்தையே எந்தனுக்குத் தனத்தினில்

வந்திடும் பங்கதனை

தந்திடுமென்று கேட்டுத் – தவறாமல்

தன் வீதம் வாங்கிக்கொண்டான்

3. சென்றானயல் தேசம் – துன்மார்க்கங்கள்

செய்தான் பல தோஷம்;

தின்றா னெலாம் நாசம் – வறிஞனாய்த்

தீர்ந்தான் வெகு மோசம்

4. பஞ்சத்தினால் மெலிந்து – வயிற்றுப்

பசியினால் வருந்தி

பஞ்சம் பிழைக்கவென்று – ஒருவனைத்

தஞ்சமென்று சார்ந்தான்

5. பன்றிகளை மேய்த்தான் – தவிட்டினால்

பசியாற நினைத்தான்;

பன்றிக்கிடுந்தவிடும் – கிடையாமல்

பட்டினியாய்க் கிடந்தான்

6. புத்தி மிகத் தெளிந்து – புலம்பினான்

மெத்தப் பசி ஐயையோ!

எத்தனை பேர்க்குணவோ – பூர்த்தியாய்

என் பிதா வீட்டிலுண்டு!

7. எழுந்து இப்பொழுதே – ஏகுவேன்

என் பிதாவின் சமுகம்

விழுந்து நான் தொழுதே – குற்றத்தை

விள்ளுவே னென்றுரைத்தான்

8. தந்தையை வந்து கண்டான் – தரை மட்டும்

தாழ்ந்து தொழுதழுதான்

எந்தையே உந்தனுக்கும் – பரத்துக்கும்

ஏற்காத தோஷி என்றான்

9. மைந்தன் மறுகுவதும் – அவன் ரூபம்

மாறி யிருப்பதுவும்

கந்தை யணிந்ததுவும் – கண்டு பிதா

நொந்து மனம் மெலிந்தான்

10. சுத்திகரித்தெடுத்து – உயர்ந்த

சுத்த ஆடை தரித்து

மெத்த விருந்தளித்து – சந்தோஷ

நித்தப்பவுசளித்தான்

11. இந்த இளைஞனைப்போல் – குணப்படா

தெந்தெந்தப் பாவிகளும்

வந்து அறிக்கை செய்தால் – இயேசு பாவம்

மன்னித்தாசி அளிப்பார்