வாழ்வை நம்பாதே மனமே

பல்லவி

வாழ்வை நம்பாதே – மனமே

வாழ்வை நம்பாதே

அனுபல்லவி

தாழ்வில்லாத நமது சுவாமி

தாழைத் தேடிப் பாவம் விடு

சரணங்கள்

1. எத்தனை பேர் புவி ஆண்டார் – அவர்

எல்லாவரும் முன்னே மாண்டார் – இங்கு

செத்தவரில் எவர் மீண்டார்

தேவசித்தம் ஒருவரும் தாண்டார் புவி – வாழ்

2. இன்று பல்லக்கினில் போவார் – நாளை

எடுக்கும் ஆட்களும் ஆவார் நரர்

என்றவர் யாவரும் சாவார் – மதி

யீனர் நரகத்தில் சேர்வார் – புவி – வாழ்

3. எண்ணிக்கை இல்லாமல் இங்கே – முன்னாள்

இருந்த பேரெல்லாம் எங்கே? – நாளை

எண்ணிப் பிழைப்போம் நாம் – இங்கே

இயேசு நாயகனே நம் பங்கே – புவி – வாழ்