வாருமையா சுவாமி வாருமையா

பல்லவி

வாருமையா சுவாமி வாருமையா – இப்போ

தேவ ஆவியை ஊற்ற வாருமையா!

சரணங்கள்

1. பெந்தெகொஸ்தென்னும் நாளில் வல்லமையாக வந்தீர்!

சொந்தப் பிள்ளைகள் கூடிக் கெஞ்சும் இவ்வேளைதனில் – வாருமையா

2. மூவாயிரம் பாவிகள் மேலும் நீர் வந்திறங்கி,

தேவா உம் வல்லமையைக் காட்டினாற் போல இப்போ! – வாருமையா

3. முன்னோர்க்கு ஆவியை நீர் அற்புதமாகத் தந்தீர்

நன்மை மூலனே இப்போ தாரும் தவிக்கிறோமே! – வாருமையா

4. நின்று யுத்தம் செய்யவே உண்மையாய் ஏவுமையா!

தன்னயத்தையே கொன்று முன்னே நடத்துமையா! – வாருமையா