வல்லமையின் ஆவியானவர் என்னுள்

வல்லமையின் ஆவியானவர் – என்னுள்

வந்து விட்ட காரணத்தினால்

பொல்லாத சாத்தானை – ஒரு

சொல்லாலே விரட்டி விட்டேன்

1. Power ஆவி எனக்குள்ளே – அந்த

பய ஆவி அணுகுவதில்லை

அன்பின் ஆவி எனக்குள்ளே – நான்

அகற்றிவிட்டேன் கசப்புகளை

2. கட்டுப்பாட்டின் ஆவியானவர்

என்னை Control பண்ணி நடத்துகிறார்

இஷ்டம் போல அலைவதில்லை

அவர் சித்தம் செய்து வாழ்பவன் நான்

3. கிறிஸ்துவுக்குள் நறுமணம் நான்

தெருத் தெருவா மணம் வீசுவேன்

மீட்புபெறும் அனைவருக்கும் – நான்

வாழ்வளிக்கும் வாசனையானேன்

4. உலகத்திற்கு வெளிச்சம் நான்

ஊரெல்லாம் Torch அடிப்பேன்

உப்பாக பரவிடுவேன் – நான்

எப்போதும் சுவை தருவேன்

5. கர்த்தரின் முத்திரை என் மேல் – நான்

முற்றிலும் அவருக்குச் சொந்தம்

அச்சாரமாய் ஆவியானவர் – நான்

நிச்சயமாய் மீட்பு பெறுவேன்

6. தேவனாலே பிறந்தவன் நான்

எந்த பாவமும் செய்வதில்லை

கர்த்தரே பாதுகாக்கிறார்

தீயோன் என்னை தீண்டுவதில்லை

7. கடவுள் எனக்கு வாக்களித்ததை

நிறைவேற்ற வல்லவரென்று

நிச்சயமாய் நம்பினதாலே – நான்

நம்பிக்கையில் வல்லவனானேன் (வளர்கின்றேன்)