வாரும் தேற்றரவரே வாரும்

பல்லவி

வாரும், தேற்றரவரே, வாரும்;-எனைச்

சேரும், வினையறுத் தெனைச் சேரும்.

Verse

அனுபல்லவி

Verse

ஆரும் மாற்றுதற் கரிதான பவம் தீரும்படி செய்யும், திறவானே. – வாரும்

Verse

சரணங்கள்

Verse

1. மிகவும் பாழ் நிலம் என்னுள்ளமே;-அதில்

விதைக்கும் திரு வசனத்தையும் தள்ளவே,

ஜகமும் மாமிச ஆசைகளும் மெள்ளவே,-செய்யும்

சதியை அகற்றி எனையாட் கொள்ளவே,

அக மீதா நந்தம் கொண்டுன் புகழ் விள்ளவே,-செஞ்சொல்

அடியன் நான் உமைப் பாடி மகிழ் கொள்ளவே, – வாரும்

Verse

2. வாடும் மனதினை ஆற்றுதற்கும்,-வேத

மார்க்கத் தொழுகி உமைப் போற்றுதற்கும்,

சூடென் கெட்ட குணத்தை மாற்றுதற்கும்,-சற்று

துலங்கும் தீபத்திற் கெண்ணெய் ஊற்றுதற்கும்,

நாடும் கதியில் கரை ஏற்றுதற்கும்,-நித்ய

நன்மைகளினால் எனைத் தேற்றுதற்கும், – வாரும்