வாரும் வாரும் மகத்துவ தேவனே

வாரும் வாரும் மகத்துவ தேவனே

வல்லமையாக இப்போ வந்திடும்

1. மகிமைச் சொருபனே! மாவல்ல தேவனே!

மன்னா! வந்தாசீர்வாதம் தாருமே – வாரும்

2. தாய் தந்தை நீர் தாமே! தற்பரா! எங்கட்கு

தரணியில் வேறோர் துணை இல்லையே – வாரும்

3. பாவத்தை வெறுத்து பாவியை நேசிக்கும்

பரிசுத்த ராஜனே! நீர் வாருமே – வாரும்

4. பக்தரும் முக்தரும் பாடித் துதிக்கின்ற

பரலோக ராஜனே! நீர் வாருமே – வாரும்

5. காருண்ய தேவனே! கதியும்மை யண்டினோம்

கடைசிவரையும் காத்து இரட்சியும் – வாரும்

6. மன்னா! உம் வரவை எண்ணி யாம் ஜீவிக்க

ஏவுதல் தினம் தாரும் ஏகனே – வாரும்

7. விழிப்புள்ள ஜீவியம் விமலா! நீர் ஈந்துமே

வெற்றியடையக் கிருபை தாருமே – வாரும்

8. இவ்வித பாக்கியம் ஏழைகளெங்கட்கு

ஈந்ததாலுமக்கென்றும் ஸ்தோத்திரம் – வாரும்