வாரீரோ வினை திரீரோ

Verse

வாரீரோ வினை திரீரோ

பல்லவி

வாரீரோ? வினை தீரீரோ? எனைக்

காரீரோ? ஜீவன் தாரீரோ, யேசு

Verse

அனுபல்லவி

Verse

வாரேனென்றீர், வரந் தாரேனென்றீர், சுவாமீ;

பாரினிலே யெனக்கு யாருமில்லை, துணைக்கு. – வாரீரோ

Verse

சரணங்கள்

1. தேனே, மரிமகனே, தேடி மறுகுங்[1] கோனே,

சேனைகளின் சீமோனே, சிந்தை கலங்கி நானே

கானகமே மேவும் மானது போலானேன்;

வானகம் போன தேவா, ஏனோ வரத் தாமதம்? – வாரீரோ

Verse

2. அட்ட திக்கெங்கு மென்னைத் துட்டப் பாசாசுக் கூட்டம்

இட்டப் படுத்தவல்லோ கிட்ட வளையது, பார்

அடுத்தாலோ, அம்பைத் தொடுத்தாலோ என்ன!

அடுபடையாக நின்று தடு படை[2] செய்வீர், யேசு, – வாரீரோ

Verse

3. காணாத ஆட்டைத் தேடிக் காடெங்கும் சென்ற கோன் நீர்

கண்டு பிடித்த ஆட்டைக் கொண்டு தொழுவஞ் சேர்க்கக்

கருத்துடனே மிக உரித்துடனே இரு

கரத்திலேந்தி வலப் புறத்தில் வைப்பீர் திண்ணம். – வாரீரோ

Verse

4. வீடு எனக்குச் செய்ய மேலோகம் போன தேவா,

கூட இருத்தி வைக்கக் கூப்பிட வாறேனென்றீர்;

கொண்டு வருவீர் முடி, நின்று வருவீர் நொடி;

கண்டு மகிழ்வேன், கூடி நின்று புகழ்வேன் கெடி. – வாரீரோ