வா வா பாவி அழைக்கிறார் இயேசு

பல்லவி

வா வா பாவி அழைக்கிறார் இயேசு

ஆவலாய் தம்மிடம் – ஆ ஆ ஆ

அனுபல்லவி

தேவ குமாரன் தானே

தேடியுனை அலைந்தாரே

தேவ கோபம் வருமுன்னே

ஜீவன் பெறத் தடை என்ன? – வா வா

சரணங்கள்

1. தன்னிடம் வருவோர் எவரானாலும்

தள்ள மாட்டார் இயேசு

உன்னிடம் அன்போடவர்க்கு

உருக்கமும் உண்டு அதற்கு

உண்மையான அத்தாட்சி

தன்னைக் கொடுத்ததே சாட்சி – வா வா

2. வருந்தி நீ பாவப்பாரம் சுமப்பதைப்

பார்க்கச் சகிக்காமல்

வருந்தி அழைக்கிறார் இயேசு

வந்து அவரிடம் பேசு

திருந்தி மனங் கொண்டு வந்தால்

அறிந்திடுவாய் அவரன்பை – வா வா

3. கல்மனமோ கல்வாரியைக் கண்டும்

கரையாதோ உன் உள்ளம்

நில் சிலுவையண்டை சற்றே

நீசக் கோலம் தான் உற்றே

நீசன் உன்னையே மீட்டாரே

பாசமாய் அழைக்கிறார் தாமே – வாவா

4. ஆனந்த பாக்கியம் நீ அடைந்திடுவாய்

அவர் பிள்ளையாகும்போது

கானம் இசைத்து நீ மகிழ்வாய்

கர்த்தரின் நாமம் புகழ்வாய்

தானங்கள் பலவுவே பெறுவாய்

வானவர் வரவில் இன்புறுவாய் – வா வா